Facebook më i forti!

Të dhënat më të reja mbi vizitueshmërinë e rrjeteve shoqërore konfirmojmë rënien e popullaritetit të Myspace kundër konkurrentit të tij më të madh, i cili i ka bërë për vete përdoruesit nga mbarë bota duke iu përshtatur nevojave të tregut.




Facebook është rrjeti më i vizituar shoqëror në internet, e me këtë titull deri pak kohë më parë ka mundur të mburrej konkurrenti i tij MySpace, sipas të dhënave të agjencisë së specializuar comScore.

Në muajin qershorin Facebook është vizituar nga më shumë se 132 milionë njerëz, derisa MySpace rreth 117.5 milionë, thekson comScore.

Përpjekjet e Facebook që t’u përshtatet gjuhëve dhe vendeve të ndryshme kanë rezultuar me sukses, prandaj ky portal ka arritur të ngjitet në vendin më të lartë të listës së popullaritetit.

"Falë pamjes e cila i është përshtatur më mirë tregjeve lokale, portali po mbahet më me sukses sesa konkurrenca, prandaj edhe mbizotëron në disa tregje në të cilat deri para një viti ka qenë shumë pak i pranishëm", ka thënë Jack Flanagan, zëvendëskryetar i comScore.

Në Amerikën Veriore Facebook ka 49 milionë përdorues, por edhe Evropa shpejt po e kompenson vonesën e vet, thekson comScore. Gjatë muajit qershor të këtij viti Facebook është vizituar nga 35.2 milionë evropianë, që është më shumë se tre herë se një muaj më parë.

Në muajin qershor të vitit 2008 dy herë më shumë vizitorë ka pasur portali Hi5, derisa Orkut, Bebo e Friendster kanë shënuar rritje të numrit të vizitore prej 30 për qind.

Megjithat Gjuha Shqipe nuk ekziston u regjistrova duke menduar se ekziston kjo mirpo jo nuk ekziston